1. ზოგადი დებულებები
წინამდებარე წესები და პირობები არეგულირებს Orbis-ის წევრობას, წევრობის ფარგლებში მომსახურებებზე წვდომას, სერვისის მოთხოვნისა და გაუქმების წესებს, ასევე მომხმარებელსა და Orbis-ს შორის არსებულ სამართლებრივ ურთიერთობას. Orbis წარმოადგენს გზაზე დახმარების სერვისების ორგანიზატორ და შუამავალ პლატფორმას, რომელიც მომხმარებლის მოთხოვნის საფუძველზე უზრუნველყოფს შესაბამისი მომსახურების ორგანიზებას და მომხმარებელს აკავშირებს შესაბამის პარტნიორ კომპანიასთან. Orbis არ არის ავტომობილის ტექნიკური მომსახურების უშუალო შემსრულებელი. წევრობის ფარგლებში, მისი ძირითადი როლია სერვისის ორგანიზება და წინამდებარე პირობებით გათვალისწინებული მომსახურების საფასურის დაფინანსება. წევრობის გააქტიურებით მომხმარებელი ადასტურებს, რომ სრულად გაეცნო წინამდებარე წესებსა და პირობებს და ეთანხმება მათ.
2. წევრობის გეგმები და გადახდა
Orbis გთავაზობთ ორ გეგმას:
- ყოველთვიური გეგმა: 9.90 ლარი/თვეში, ავტომატური განახლებით;
- წლიური გეგმა: 99 ლარი/წელიწადში, ავტომატური განახლებით.
წევრობა აქტიურდება მომხმარებლის მიერ Orbis-ის პლატფორმაზე რეგისტრაციისა და გადახდის შემდეგ. უსაფრთხოების მიზნით, ძირითადი სერვისები ხელმისაწვდომი ხდება რეგისტრაციიდან 48 საათის შემდეგ. ევაკუატორის მომსახურება ხელმისაწვდომი ხდება წევრობის მეორე თვიდან (რეგისტრაციიდან 30 დღის შემდეგ).
გადახდის თანხა ავტომატურად ჩამოიჭრება რეგისტრაციისას მითითებული გადახდის მეთოდიდან. მომხმარებელს ნებისმიერ დროს შეუძლია წევრობის გაუქმება საკუთარი ანგარიშიდან ან Orbis-ის მიერ განსაზღვრული სხვა საკომუნიკაციო არხით. გაუქმების შემთხვევაში, მომდევნო პერიოდის სააბონენტო გადასახადი აღარ ჩამოიჭრება.
3. მომსახურების ლიმიტები
აქტიური წევრობის პერიოდში, წევრს ხელმისაწვდომია წელიწადში ჯამში 4 გამოძახებამდე (თითოეული სერვისი 1-ჯერ). ლიმიტის ამოწურვის შემთხვევაში, მომხმარებელს შეუძლია ისარგებლოს დამატებითი გამოძახებით წევრის ფასდაკლებით (-40%). ევაკუატორის მომსახურება ხელმისაწვდომია წევრობის მეორე თვიდან.
4. მომსახურების პაკეტი
აქტიური წევრობა მომხმარებელს ანიჭებს წვდომას შემდეგ მომსახურებებზე:
- ევაკუატორის მომსახურება (ხელმისაწვდომია მეორე თვიდან);
- ავტომობილის დაქოქვა;
- საბურავის შეცვლა;
- ავტომობილის კარის გახსნა;
- საწვავის მიწოდება.
ყველა სერვისი შედის წევრობის გეგმაში და გამოძახება დამატებით არაფერი ჯდება. სერვისების ხელმისაწვდომობა, დაფარვის ტერიტორია და სხვა პირობები წინასწარ არის მოცემული პლატფორმაზე. Orbis იტოვებს უფლებას, მოქმედი წესებისა და კანონმდებლობის შესაბამისად, განაახლოს მომსახურებების ჩამონათვალი და პირობები.
6. მომსახურების მოთხოვნის გზები
მომსახურების მოთხოვნა შესაძლებელია:
- მომხმარებლის პირადი ანგარიშიდან;
- Orbis-ის ცხელი ხაზის საშუალებით.
სატელეფონო მოთხოვნის შემთხვევაში, ოპერატორი მომხმარებელს აწვდის ინფორმაციას სერვისის ხელმისაწვდომობის, ტერიტორიის, ლოდინის დროისა და პარტნიორი კომპანიის შესახებ. მოთხოვნის დადასტურებით მომხმარებელი ეთანხმება სერვისის მიღების პირობებს.
7. მომსახურების ლოდინის დრო
მომსახურების ადგილზე მისვლის დრო დამოკიდებულია პარტნიორი კომპანიის ხელმისაწვდომობასა და კონკრეტულ გარემოებებზე. მოთხოვნის დადასტურებამდე მომხმარებელს ეცნობება სავარაუდო ლოდინის დრო. ლოდინის დრო შესაძლოა შეიცვალოს საგზაო მდგომარეობის, საცობების, ამინდის გაუარესების, მაღალი მოთხოვნის ან სხვა ობიექტური გარემოებების გამო. Orbis არ იძლევა კონკრეტულ წუთებში სერვისის მიწოდების აბსოლუტურ გარანტიას, თუ ეს პირდაპირ არ არის მითითებული მომსახურების პირობებში.
8. მომსახურების გაუქმება
მომხმარებელს უფლება აქვს გააუქმოს სერვისის მოთხოვნა. დადასტურებიდან 10 წუთის განმავლობაში გაუქმება სრულიად უფასოა.
დადასტურებიდან 10 წუთის გასვლის შემდეგ გაუქმების შემთხვევაში, შესაძლოა დაეკისროს გაუქმების საკომისიო. აღნიშნული წესი მოქმედებს იმის მიუხედავად, დაწყებული აქვს თუ არა პარტნიორ კომპანიას სერვისის შესრულებისთვის საჭირო ღონისძიებები.
9. ტერიტორიული დაფარვა
Orbis-ის მომსახურება ხელმისაწვდომია მხოლოდ პლატფორმაზე მითითებულ ქალაქებსა და ტერიტორიებზე. ქალაქის ფარგლებში მომსახურება ხორციელდება წინასწარ განსაზღვრულ ზონებში. ქალაქთაშორისი ევაკუაცია შესაძლებელია მხოლოდ Orbis-ის მიერ დადგენილი მარშრუტების ფარგლებში. Orbis უფლებამოსილია პერიოდულად შეცვალოს, გააფართოოს ან შეზღუდოს დაფარვის არეალი.
10. ევაკუატორის მომსახურება
ეს სერვისი განკუთვნილია შემთხვევებისთვის, როდესაც ავტომობილი ტექნიკური გაუმართაობის ან სხვა მიზეზის გამო დამოუკიდებლად ვეღარ გადაადგილდება. თუ ევაკუაციისთვის საჭირო გახდა დამატებითი მანძილის დაფარვა, სპეციალური ტექნიკის გამოყენება ან ისეთი სამუშაოს ჩატარება, რომელიც სცდება სტანდარტულ პაკეტს, აღნიშნული დამატებითი ხარჯი წინასწარ შეუთანხმდება მომხმარებელს.
11. ავტომობილის დაქოქვა
მომსახურება გულისხმობს სპეციალისტის მიერ ტექნიკური დახმარების გაწევას ავტომობილის დასაქოქად (მაგალითად, აკუმულატორის განმუხტვისას). ახალი აკუმულატორის, დამტენის ან სხვა სათადარიგო ნაწილის ღირებულება წევრობის პაკეტში არ შედის.
12. საბურავის შეცვლა
სერვისი მოიცავს პარტნიორი სპეციალისტის გამოძახებას და დაზიანებული საბურავის სათადარიგოთი ჩანაცვლებას (იმ პირობით, რომ მომხმარებელს ადგილზე აქვს გამართული სათადარიგო საბურავი). ახალი საბურავის ან დისკის შეძენის ხარჯებს წევრობა არ ფარავს.
13. ავტომობილის კარის გახსნა
მომსახურება გამოიყენება მაშინ, როდესაც მომხმარებელი ვერ ხსნის ავტომობილის კარს (მათ შორის, გასაღების ჩაკეტვის შემთხვევაში). სპეციალისტი მოქმედებს ავტომობილის დაზიანების თავიდან აცილების მაქსიმალური დაცვით. თუ კარის გასახსნელად აუცილებელი გახდა კონკრეტული დეტალის დაზიანება ან დამატებითი სამუშაო, ხარჯები წინასწარ თანხმდება მომხმარებელთან.
14. საწვავის მიწოდება
სერვისი გულისხმობს საწვავის ადგილზე მიტანას. Orbis აფინანსებს უშუალოდ მიტანის მომსახურებას (ქულების ფარგლებში), თუმცა თავად საწვავის ღირებულების გადახდა მომხმარებლის ვალდებულებაა და იგი არ შედის 9.90-ლარიან სააბონენტო პაკეტში.
15. პარტნიორი მომსახურების კომპანიები
მოთხოვნილ მომსახურებას უშუალოდ ახორციელებს Orbis-ის პარტნიორი კომპანია. Orbis უზრუნველყოფს კავშირს მომხმარებელსა და შემსრულებელს შორის და აფინანსებს სერვისს. შესრულებული სამუშაოს ტექნიკურ ხარისხსა და პროცესში წარმოშობილ დეტალებზე პასუხისმგებლობა მოქმედი კანონმდებლობის ფარგლებში ეკისრება უშუალო შემსრულებელს.
16. ალტერნატიული მომსახურების მიმწოდებელი
თუ მოთხოვნის მომენტში Orbis-ის პარტნიორ კომპანიებს არ აქვთ სერვისის შესრულების რესურსი, Orbis უფლებამოსილია მოიძიოს ალტერნატიული (მათ შორის კერძო) მიმწოდებელი. ამ შემთხვევაშიც Orbis სრულად ფარავს შეთანხმებულ მომსახურების საფასურს წევრობის პირობების ფარგლებში და მომხმარებელს წინასწარ აწვდის ინფორმაციას ალტერნატიული შემსრულებლის შესახებ.
17. მომსახურების გაწევის შეუძლებლობა
თუ Orbis-ის ან მომსახურების მიმწოდებლის გონივრული მცდელობის მიუხედავად, სერვისის მიწოდება ვერ განხორციელდა, მოთხოვნა არ ჩაითვლება გამოყენებულად და წლიური ლიმიტიდან არ ჩამოიჭრება.
18. მომსახურების დაგვიანება
მიწოდების დრო დამოკიდებულია პარტნიორის შესაძლებლობებსა და საგზაო გარემოებებზე. ობიექტური მიზეზებით გამოწვეული დაგვიანება თავისთავად არ წარმოადგენს Orbis-ის მიერ ვალდებულების დარღვევას. Orbis შესაძლებლობის ფარგლებში აკონტროლებს სერვისის მიმდინარეობის სტატუსს.
19. Orbis-ის პასუხისმგებლობის ფარგლები
Orbis მოქმედებს როგორც შუამავალი. ტექნიკურ შესრულებასთან დაკავშირებული საკითხები რეგულირდება მომხმარებელსა და უშუალო შემსრულებელს შორის. Orbis არ იღებს პასუხისმგებლობას ისეთ გარემოებებზე, რომლებიც სცდება მის კონტროლს (საცობები, ცუდი ამინდი, შემსრულებლის ტექნიკური შეცდომა), გარდა კანონით პირდაპირ გათვალისწინებული შემთხვევებისა.
20. უკუკავშირი და შეფასება
მომხმარებელს უფლება აქვს პლატფორმის საშუალებით შეაფასოს მიღებული სერვისი. აღნიშნული უკუკავშირი გამოიყენება მომსახურების ხარისხის გასაუმჯობესებლად. უკმაყოფილების შემთხვევაში, მომხმარებელს შეუძლია მიმართოს Orbis-ს, რომელიც მოახდენს შესაბამის რეაგირებას.
21. გამონაკლისები
წევრობა არ ფარავს:
- სათადარიგო ნაწილების ღირებულებას;
- ახალი საბურავის ან დისკის ფასს;
- საწვავის ღირებულებას;
- წლიური ლიმიტის მიღმა წარმოშობილ ხარჯებს (ხელმისაწვდომია წევრის ფასდაკლებით -40%);
- სპეციალური ტექნიკის ან დამატებითი სამუშაოს ფასს (რაც არ შედის სტანდარტულ პაკეტში);
- წინასწარ განსაზღვრული დაფარვის ზონის მიღმა გაწეული მომსახურების ხარჯებს.
22. წევრობის გაუქმება და თანხის დაბრუნება
მომხმარებელს ნებისმიერ დროს შეუძლია წევრობის გაუქმება. მიმდინარე პერიოდის გადასახადის უკან დაბრუნება შესაძლებელია მხოლოდ იმ შემთხვევაში, თუ მომხმარებელს ამ პერიოდში სერვისით საერთოდ არ უსარგებლია. თუ მომხმარებელმა მიმდინარე სააბონენტო პერიოდში გამოიყენა თუნდაც ერთი სერვისი, გადახდილი თანხა უკან არ ბრუნდება. განვლილი პერიოდისთვის გადახდილი თანხები ასევე არ ექვემდებარება დაბრუნებას. თანხის დაბრუნება ხდება იმავე საბანკო მეთოდით, რითაც განხორციელდა გადახდა.
23. გადახდის წარუმატებლობა
თუ მითითებული ბარათიდან სააბონენტო თანხის ჩამოჭრა ვერ მოხერხდა, Orbis მომხმარებელს გაუგზავნის შეტყობინებას. მომხმარებელს ეძლევა 14-დღიანი ვადა დავალიანების დასაფარად. თუ ამ პერიოდში გადახდა არ განხორციელდა, Orbis უფლებამოსილია ავტომატურად გააუქმოს წევრობა.
24. საინფორმაციო უზრუნველყოფა
დეტალური ინფორმაცია ტერიტორიების, მარშრუტებისა და პარტნიორების შესახებ მუდმივად ხელმისაწვდომია Orbis-ის ვებგვერდსა და მომხმარებლის პირად ანგარიშში.
25. პირობების ცვლილების უფლებამოსილება
Orbis იტოვებს სრულ და უპირობო უფლებას, ნებისმიერ დროს, საკუთარი შეხედულებისამებრ, წინასწარი შეტყობინების გარეშე ან/და მომხმარებლის ინფორმირებით, შეცვალოს, განაახლოს, დაამატოს ან გააუქმოს წინამდებარე წესები და პირობები. არსებითი ცვლილებების შემთხვევაში, მომხმარებელს მიეწოდება ინფორმაცია მოქმედი კანონმდებლობის შესაბამისად. პირობების განახლებული ვერსია გამოქვეყნდება Orbis-ის პლატფორმაზე, შესაბამისი თარიღის მითითებით. პირობების განახლების შემდეგ სერვისით სარგებლობის გაგრძელება ავტომატურად ნიშნავს ახალ წესებზე თანხმობას.
26. დასკვნითი დებულება
წევრობის შეძენით მომხმარებელი ადასტურებს, რომ წინამდებარე პირობები მისთვის სრულად გასაგები და ხელმისაწვდომი იყო. იგი ეთანხმება მომსახურების მიღებას წინამდებარე დოკუმენტში განსაზღვრული ლიმიტების, ტერიტორიული ფარგლებისა და სხვა მოქმედი წესების დაცვით.
დოკუმენტის ძალაში შესვლისა და განახლების თარიღი
წინამდებარე წესები და პირობები ძალაშია Orbis-ის პლატფორმაზე გამოქვეყნების მომენტიდან.
- გამოქვეყნების თარიღი: 08.08.2026
- ბოლო განახლების თარიღი: 06.09.2026
